Во секоја врска има подеми и падови. Ова сепак не значи дека треба да толерираме партнер кој не е посветен на нашата емоционална и психолошка благосостојба. Животот е премногу краток за да го поминеме со себични луѓе кои мислат само на себе
Тогаш, зошто има толку многу примери на добри луѓе кои сè уште се во врска со партнер кој постојано ги презира и прави да се чувствуваат лошо?
Следните четири причини ја објаснуваат оваа необична, но за жал, многу честа појава.
Страв од осаменост
Многу луѓе повеќе би сакале да бидат во лоша врска отколку сами. Ова е заклучок на многу научни студии на оваа тема. За таквите лица нема ништо полошо од осаменоста и тие се подготвени да страдаат од што и да било од партнерот, само за да избегнат раскинување.
Недостаток на самодоверба
Луѓето со недостаток на самодоверба потешко ги оставаат токсичните партнери. Тие, згора на тоа, ги интернализираат критиките на партнерот и се обвинуваат за неговото несоодветно однесување, иако тие се жртвите во таквата врска.
Верување дека работите ќе се променат
Убаво е да се мисли дека работите може да бидат како порано, кога живеете во љубов и хармонија со вашиот партнер. Таквото верување, сепак, нема да ја промени вашата лоша состојба во сегашноста и ќе ве направи пасивни и нема да сакате да се борите за својата среќа. Понекогаш е потребно да се пресече и да се излезе на време од возило кое очигледно оди во бездна.
Страв од одбивање
Луѓето често остануваат во токсични врски затоа што се плашат дека никогаш нема да најдат друг партнер. Тие сметаат дека е подобро да бидете во каква било врска, дури и лоша, отколку да го поминете целиот ритуал на излегување и повторно да барате сродна душа, што лесно може да заврши со неуспех.
извор: Попара.мк
