На некои љубовни врски луѓето мислат со месеци, години, па понекогаш и со децении подоцна. Експертите имаат објаснување за тоа.
Одвојуваат неколку причини зошто размислуваме за поранешните партнери:
1. Осаменост
Најчеста причина е осаменоста. Семејниот терапевт Нили Стајнберг од Бостон вели дека е природно да ни недостасува личноста која била важен дел од вашиот живот.
„Една работа е важна, дали размислувате за него кога сте осамени или кога ви е убаво? Кога се присетувате на човекот којшто некогаш сте го сакале? Зар не би требало, ако вашите мотиви се здрави и исправни, да посакате да е со вас кога сте среќни и супер си минувате, така што можете да уживате заедно и во убави моменти? Ако се сеќавате на него кога сте тажни, осамени и ви е досадно, немојте да му се јавите, ниту да му пишувате“, советува таа.
2. Досада
Ако ви е тоа потребно само за да го пополните времето, повторно сте на лош пат.
„Проблемот е во тоа што таквото размислување ви одзема време и енергија кои би требало да си ги посветите на себе или доколку сте спремни, да им дадете шанса на други мажи“, вели Нили.
3. Страв
„Луѓето често ги обзема мисла дека со раскинувањето сè е изгубено. Се појавува чувство на страв и многумина мислат дека поранешниот партнер е нешто најдоброто што им се има случено. Сепак, ако таа врска била онаа вистинската, не би дошло до раскинување“, советува Стајнберг.
извор: Кајгана
