Добриот човек се однесува со другите како што тој сака тие да се однесуваат со него. Тој не прави добри работи само за своја корист или за внимание. Ако не сте сигурни дали момчето со коешто излегувате е добар човек или само се преправа дека е добар, овие 10 знаци ќе ви го помогнат да го откриете тоа затоа што тие се карактеристични за добрите момци.
1. Ве почитува
Ако тој е навистина добар, ќе ве почитува. Тој ве почитува затоа што и вие сте личност исто како него и заслужувате да бидете третирани така. Учтивоста на човекот зборува многу за автентичноста на неговата добрина.
2. Прифаќа „не“ како одговор
Добрите луѓе никогаш нема да се обидат да манипулираат со вас за да кажете „да“. Ако ја одбиете нивната понуда, тие со почит ќе ја прифатат вашата одлука. Доброто момче нема да ве натера да се чувствувате лошо затоа што сте искрени и нема да се труди да ве премисли.
Момчето што се преправа дека е добро може да се обиде да ве убеди да се премислите, а ако не се премислите, тој може да почне да ве навредува како резултат на тоа што е одбиен.
3. Тој е трпелив
Доброто момче е трпеливо. Тој разбира дека сите созреваат и напредуваат различно, како индувидуално, така и во врската. Тој нема да ви врши притисок да правите нешто што не сакате.
Тој исто така е спремен да го следи вашето темпо на движење затоа што добрите момци сакаат да се чувствувате удобно. Добриот човек знае кога сте подготвени за следниот чекор и нема да ви врши притисок.
4. Не ги обвинува другите за своите неуспеси
Сите прават грешки, но добрите момци ја преземаат одговорноста за своите постапки и не се обидуваат да ја префрлат вината на другите.
5. Мисли пред да дејствува
Доброто момче знае дека и најмалите постапки може да имаат многу големи последици, па затоа пред да дејствува, прво размислува.
Добрите момци не сакаат да ги повредат другите со своите постапки, така што одвојуваат време да размислат за тоа што треба да направат, само за да не повредат некого.
6. Не очекува комплименти
Добрите момци не чувствуваат потреба за докажување. Тие се добри затоа што сакаат да бидат добри, а не за да добијат признание и комплименти за нивните добри дела.
Доброто момче со задоволство ќе ги цени комплиментите, но тие не се задолжителни за него. Тој нема да ви каже што сторил само за да добие комплимент.
7. Тој е љубезен кон другите и им помага на непознати
Навистина е лесно да се однесувате добро со луѓето што ги познавате. За да видите дали некој е навистина добар човек, треба да видите како се однесува со луѓето што не ги познава.
Доброто момче ги почитува луѓето што се помалку моќни, послугата и другите членови на персоналот. Тој е љубезен кон сите.
8. Знае да прости
Тој е свесен дека може да згреши и поради тоа им простува и на другите. Добрите момци знаат дека држењето лутина нема да користи никому, па затоа простуваат и продолжуваат понатаму.
9. Ги прифаќа другите такви какви што се
Една од причините зошто тој е добар човек е поради тоа што ги прифаќа луѓето такви какви што се и не се обидува да ги смени. Наместо тоа, тој ги сака и ги цени за тоа што се.
10. Тој е доверлив
Доброто момче нема да ве извиси и ќе ви каже однапред дека не може да прави планови. Тој знае дека не е учтиво да чекате некого многу долго за на крајот да не се појави.
извор: kafepauza
