Зависноста од сексот е се’ почеста помеѓу познатите личности, а стручњаците веќе повеќе пати во медиумите напоменаа дека таа може да делува врз психолошката состојба кај поединците.
Иако на прв поглед звучи неверојатно, зависноста од сексот е навистина присутна и погодува луѓе од сите сфери на животот, а на удар се најчесто богатите и славните, коишто се најподложни за развивање на ова пореметување.
Познато е дека бројни познати личности посетувале клиники за одвикнување како нивната претерана побуда за секс би се намалила, а нивниот живот пак би се вратил во границите на нормалата.
Така на пример, актерот Мајкл Даглас два пати се лечел на Клиниката во Аризона, и тоа додека бил во брак со својата прва сопруга Диандра. Токму поради неговите проблеми од минатото, неговата сегашна сопруга Кетрин Зита Џонс во предбрачниот договор навела дека во случај на развод, за секое изневерување би и припаднале по 1.7 милиони долари.
Младата американска актерка Линдзи Лохан е исто така позната по проблематичното однесување. Таа веќе и повеќе пати во медиумите отворено проговори за својата љубов кон сексот, како и подготвеноста да води љубов нон-стоп.
За огромната потреба за секс на пејачката Бритни Спирс, таблоидите започнаа да пишуваат во периодот после разводот од Кевин Федерлајн. Тие тогаш наведоа дека тоа би можело да биде и причина која едноставно ја “згаснала” нивната љубов.
Медиумите повеќе пати како зависници од секс ги декларираа и Анџелина Џоли, Памела Андерсон, Расел Бренд, Бил Мареј, Парис Хилтон, Каније Вест, Чарли Шин, но и уште многу други… Очигледно листата од секс зависници помеѓу познатите личности е навистина долга…
извор:точка.мк
