По успешните први неколку љубовни состаноци, дружење и врска, обично доаѓа време кога момчето треба да ги запознае нејзините родители. И, од посебна важност е тој да остави добар впечаток кај таткото на девојката.
Па, ако дојде до она „неславно“ прашање: „Кои се твоите намери со мојата ќерка?”, треба да се биде подготвен за одговор веднаш. Момчињата корисници на интернет-страницата Редит дадоа повеќе одговори на ова прашање.
„Навистина ми се допаѓа и среќен сум со неа”, надополнето со – „Сакам да ја направам среќна и да се чувствува сигурна” – се чини како најсигурен и најстабилен, а и најчест одговор.
Меѓутоа, фората е што ова може да биде и трик-прашање. Еден од одговорите на друштвената мрежа, гласи:
„Не постои витински одговор. Тој знае дека вашата намера е иста како и неговата со нечија друга ќерка. Само погледнете го во очи, бидете искрен и кажете му: ‘Господине, само сакам да уживаме, и да се потрудам да доаѓа дома навреме’.”
Познавачите пак, посочуваат дека на таквите средби, таткото на девојката обично сака индиректно да му укаже на момчето дека ја одгледал својата ќерка да биде самоуверена и способна да управува со своите врски, како и сама да поставува граници и да донесува одлуки. Во овој случај, советот гласи – не е паметно ниту на шега да му се противречи на повозрасниот спроти вас и да се покаже потребната почит, а со тоа и – зрелост.
Пожелно е момчето да се претстави во вистинско светло, да не одговара површно на прашањата, но не и предолго. Доколку ве праша за плановите за иднината, не треба да се внесувате во приказни околу нешто што не е остварливо.
Пристојна облека, како и мал подарок како знак на внимание кон домот – се можеби најбитни за првичниот впечаток.
извор курир.мк
