Пејачот Жељко Шашиќ кој моментално го гледаме во „Твоето лице звучи познато“ проговори за својата поранешна сопруга и откри дека понегаш се уште жали за разводот од Соња Вуксановиќ.
„Поминаа многу години и понатаму страдам поради разводот од Соња. Не велам дека е некоја тага, но понекогаш жалам што се разведовме. Човекот понекогаш жали што завршило нешто убаво. Тоа е нормално. Колку и да се одалечат луѓето после бракот, сепак имаат заедничко минато. Ако ме прашувате дали ја сакам, одговорот е не, но често помислувам на жената со која поминав еден дел од животот“ вели Шашиќ за „Хит информер“ и додава дека размислувал за смирување.
„Можеби ми паѓаше на памет, но само накратко. На крајот, секој си тргна по својот пат. Повеќе не размислувам за тоа“ вели пејачот.
За потсетување, по разводот од Жељко, Соња се омажи за неговиот колега, Аца Лукас од кој исто така се разведе.
