Одењето на љубовни состаноци може да биде навистина проблематично на која било возраст, посебно по 40-тата и 50-тата година, доколку сте направиле пауза од долги години.
Добрите вести се дека што штом ќе ги надминете стравовите, среќавањето нови луѓе ќе ви биде навистина забавно и одлична можност да најдете нов партнер.
Кога излегувате на состаноци во 40-ите и 50-тите години, важно е да знаете дека нема да биде исто како во вашите 20-ти или 30-ти. Вие не сте истата личност како и тогаш.
Ова значи дека личностите што ве привлекуваат сега ќе изгледаат многу поразлично. Покрај тоа, доколку долго време не сте биле во игра, ќе сфатите дека се промениле многу нешта.
Ќе сфатите дека многу нешта кои се случувале во минатото, како раскинување без објаснување, денес се многу почести.
За полесно да се справите со состанувањето во вашите 40-ти и 50-ти, прочитајте ги и следниве совети:
1. Пробајте онлајн состанување
Запознавањето луѓе онлајн е можеби најголемата промена што ќе ја забележите. Иако можеби не сте заинтересирани за ова, сепак ќе имате поголеми шанси да ја запознаете вистинската личност.
Немојте да се грижите ако ви е потребно време да се навикнете на онлајн состанувањето. Многу луѓе кои биле надвор од игра 10, па дури и 15 години, успеале да се снајдат, но може да заврши неуспешно.
2. Не се откажувајте целосно од традиционалните методи
Иако онлајн состанувањето им е првиот избор на повеќето луѓе, важна е и интеракцијата во живо. Потребно е и да излегувате, а не да се потпирате само на интернетот.
Вашите пријатели или семејство можат да ве запознаат со некого, можете да одите на забави организирани од работното место, можете да одите на планинарење или каде било каде што ќе сретнете луѓе со исти интереси како вашите.
3. Подгответе се за одбивање
Доколку не сте биле одбиени долго време, ова може да ве обесхрабри и во најлош случај, да ве повреди. Важно е да знаете дека одбивањето не е ништо лично и нема никаква врска со вас.
Луѓето ги одбиваат другите луѓе за безброј причини, па не обидувајте се да го барате проблемот кај вас.
Ако ве одбијат имајте на ум дека тоа не е последната личност на светот. Постојат безброј други кои би сакале да бидат со вас. Потребно е само да ги пронајдете.
4. Не се откажувајте поради неколку лоши состаноци
Доколку сте фрустрирани, имајте на ум дека наоѓањето партнер може да биде исцрпувачко. Можеби нема да ја сретнете љубовта на вашиот живот на првиот, па дури ни на петтиот состанок, и тоа е сосема во ред.
Разберете дека веројатно ќе треба да излеете на неколку состаноци со различни луѓе пред да ја ја најдете личноста со којашто ќе можете да се поврзете. Понекогаш може да ви биде потребна и година, само важно е да не се откажувате.
5. Оставете го товарот дома
Секој си има несигурности и емоционален товар од минатото – неуспешни врски, проблеми со здравјето, проблеми со децата, развод, губење на блиски луѓе… Но штом ќе се вратите во светот на состанувањето, важно е да го оставите целиот овој товар дома.
Доколку си мислите дека никој нема да ве сака бидејќи сте разведени, имате деца или што било, се лажете. Секој има свој товар, но добро е вашиот да го оставете дома.
6. Размислете што сакате
Ова важи за сите кои се состануваат во 40-ите и 50-тите, но најмногу за оние кои неодамна излегле од долга врска. Доколку сте биле во брак или во долга врска, а сега повторно сте сингл, ова е време за растење.
Пред да почнете да барате нов партнер, размислете за врските од минатото, зошто не функционирале и како можете да избегнете лош партнер.
Одредете неколку главни карактеристики што се важни за здрава врска. Исто така важно е да не бидете премногу строги со критериумите и да не го барате истото нешто како и во вашите 20-ти. Бидете отворени за промена.
7. Разговорите на првиот состанок нека бидат лесни
Првите состаноци можат да бидат навистина стресни, особено ако не сте биле на состанок неколку децении. Најважното правило е разговорот да биде лесен. Немојте да се жалите за бившиот, насмевнувајте се и покажете дека уживате во друштвото на личноста со којашто сте излезени.
Добро би било и ако избегнувате разговори за деца. Сигурно и вие не сакате да излезете на вечера и да разговарате само за деца.
8. Излезете на три состаноци со новиот потенцијален партнер
Потребно е време да запознаете некого, па пред да одлучите дали личноста е за вас, излезете на барем три состаноци. Доколку после трите состаноци сè уште не знаете дали личноста е добар слушател, дали ве цени и слично, најверојатно ништо од тоа не е вистина.
За првиот состанок најдобро е да излезете половина час на кафе, особено ако сте се запознале онлајн. Ова е сосема доволно за запознавање, а ако сте со погрешна личност ќе ви изгледа и предолго.
9. Имајте секс само ако сте подготвени
Во еден момент состанувањето ќе води до секс, но не заборавајте дека нема потреба од брзање. Не треба да имате секс бидејќи мислите дека треба, туку бидејќи се чувствувате подготвено и удобно со личноста.
Бидете директни за вашите чувства во сексот и кажете што ви се допаѓа а што не. Кажете ако долго време сте биле неактивни и замолете го партнерот да биде внимателен. Доколку ѝ верувате на личноста, овој разговор треба да биде едноставен и без проблем.
Кога ќе се чувствувате подготвено за секс, не заборавајте на заштитата. Само затоа што сте постари и не сте загрижени за бременост не значи дека треба да заборавите на кондомите. Сексуално преносливите болести се закана на секоја возраст.
10. Не играјте игри
Се сеќавате како во 20-тите по цел ден сте чекале да заѕвони телефонот за некој да ве покани на втор состанок? Доколку сте веќе во 50-тите, не треба да го трпите ова. На оваа возраст, доколку некој сака да ве види ќе ви се јави.
Немојте да трпите и да играте игри.
11. Обрнете внимание на целиот живот на потенцијалниот партнер
Доколку сте го нашле совршениот партнер, немојте да се заслепувате само од неговиот шарм и интелект. Важно е да го разгледате неговиот живот и да размислите како би се вклопиле во него.
На 40 или 50-годишна возраст, потенцијалниот партнер би требало да има колку-толку удобен живот што покажува одговорност. Немојте да барате изговори само затоа што изгледа добро.
Размислете за неговите навики на трошење. Дали ве плашат? Доколку размислувате за брак, дали делењето на финансиите ќе ви претставува ризик?
Покрај тоа, не заборавајте дека кога почнувате врска со некого, вие создавате и нов социјален круг. Односно, ќе се запознаете со семејството и пријателите на партнерот.Па, размислете дали би се вклопиле и овде.
Најважното нешто во овој случај е колку време ќе му биде потребно на партнерот да ве запознае со важните луѓе во неговиот живот.
Доколку долго време не ве претставил на никој, имајте на ум дека личноста или не е сериозна, или крие нешто.
извор: crnobelo.com
