Моринга е растение кое го нарекуваат и чудотворно дрво, дрво на животот, а кај нас е достапно во прав.
Морингата е по потекло од Индија и тоа што е карактеристично за неа е тоа што секој дел од растението се јаде и може да се користи во алтернативната медицина.
Ова растение е извор на витамините Б2, Б6, Ц и А, како и магнезиум и железо. Има високо количество на кверцетин кој влијае на намалувањето на високиот крвен притисок и хлорогена киселина која го намалува нивото на шеќерот во крвта.
Ова растение поседува и антифламаторни и антидепресивни својства, па се користи и во третманот кај некои автоимуни заболувања.
Морингата го намалува и лошиот холестерол и има голема улога во слабеењето. Ја храни кожата и косата, ги јакне коските, го штити црниот дроб. Индијците тврдат дека ова растение делува на над 200 болести.
Многу лесно може да ја вметнете во исхраната, само потребно е малку од правот да додадете во јадењето, смутито или пак некој друг напиток, а можете и само да ја помешате со вода и да ја пиете наместо чај.
Обрнете внимание и користете мали количини поради тоа што таа има лаксативно дејство и може да предизвика стомачни тегоби, секако пред да ја користите консултирајте се со вашиот доктор.
Трудниците и доилките исто така не смеат да ја користат поради тоа што може да предизвика некои несакани дејства.
извор:точка.ком.мк
