Влакната во пределот на бикините зоната летно време се најголемиот проблем за жените. Нивното отстранување знае да биде мачно, а често се јавува и иритација на кожата.
Не секогаш депилацијата на бикини зоната е решение за жените. Одбегнувањата може да бидат од неколку причини, а доколку за отстранување на влакната од овој дел користите брич треба да знаете неколку работи.
Но, најпрво да се утврди што точно е бикини зона.
Сите девојки и жени гледаат различно на бикини зоната. За некое тоа е само делот надвор од бикинито, а за други се што е покриено со бикини. Бикини зона, всушност е целиот предел на кој растат „срамни“ влакна. Нивното отстранување е од лични причини, а доколку се одлучите на брич еве како правилно да ја средите бикини зоната.
Прво правило е да користите остар брич. Иритацијата, исеченици и внатрешно пораснати влакна се последица од користење на тап брич кој не може да ја заврши работата како што треба. Секогаш пред бричење земете нов брич и користете го само еднаш.
Дури и ако имате брич за повеќекратна употреба потребно е добро да го исчистите по бричењето, да го дезинфицирате, а пред повторна употреба да го ставите под вода за ако има евентуални остатоци од претходниот пат да испаднат.
Потоа потребно е да направите ексфолијација на кожата за да ги отстраните мртвите ќелии кожа, тоа може да го направите со производи за таа намена кои ги има во дрогериите.
Нанесете крема за бричење и бричете движејќи го бричот во правецот кон кој влакната растат, а никако не во спротивен првец. На крај, нанесете лосин кој ќе ја омекне и заштити кожата.
