Пејачката Тијана Дапчевиќ ретко објавува фотографии со сопругот, бидејќи како што вели, нејзиот Дапче не сака да се фотографира и експонира во јавноста.
Но, кога има повод, Тијана не може да го сопре напливот на емоции за да се изјасни јавно за своите чувства.
Овој пат, поводот беше роденденот на Милан, па таа извади од архива стара заедничка фотографија од цутот на нивната младост.
Среќата од тоа што се поддршка и сила еден на друг, не е само за посебни денови, но кога е роденден, емоциите посилно продираат на површина.
-Најдобриот маж, татко, другар, сопатнник среќен роденден љубов моја Милан Дапчевиќ да си среќен и здрав уште најмалку 100 години, те сакам со небото и ѕвездите и до зад ќошот на свемирот, пишува Тијана во описот.
На оваа посебна честитка и фотографија не пропуштија да реагираат и колегите на Тијана од Србија и Македонија, како: Калиопи, Жељко Самарџиќ, Нина Бадриќ, Дуке Бојаџиев, Пере Нокаут…
За потсетување, Милан и Тијана се запознаа на натпревар во кошарка, во брак се веќе две децении, а како плод на љубовта го имат синот Вук.
