Симбол на нов почеток: 30 најубави пролетни имиња за девојчиња и момчиња

Пролетта е симбол на нов живот, сила, енергија и позитивност, па воопшто не изненадува дека многу имиња асоцираат токму на ова годишно време. Па, доколку очекувате бебе во текот на пролетта, погледнете ги следниве 15 женски и 15 машки имиња кои во себе ја носат живоста на самата пролет.

Да почнеме со листата за девојчиња:

1. Весна е старословенска божица на младоста и пролетта, која имала власт на сончевата топлина, а со тоа и над обновувањето на природата.

2. Лада, ќерката на Весна, е божица на летото, љубовта и убавината. Таа се буди во пролетта и нејзиното владеење се зајакнува со зголемувањето на сончевата енергија.

3. Зора е старословенска божица на утрата, која му дава сила на сонцето.

4. Жива, според словенската митологија, е божица на животот.

5. Флора е божица на пролетта и цвеќињата според римската митологија.

6. Маја е римската божица на полињата и плодовите која се поврзува со пролетта, а по неа и е познат месецот Мај.

7. Аурора е римска божица на изгрејсонцето.

8. Ирис, според грчката митологија, е божицата на виножитото.

9. Талата (Тало) е уште еднаш божица на пролетта, заштиничка на младоста, според грчката митологија.

10. Анастасија потекнува од грчкиот збор анастасиас, што значи повторно раѓање, воскреснување и преродување.

Останатите женски имиња кои се поврзуваат со пролетта и новиот почеток се Цвета, Невена, Јасмина, Лилјана и Виолета.

Следува листата со имиња за момчиња:

1. Вито потекнува од латинскиот збор вита, што означува жив, полн со живот.

2. Лука има корени од латинскиот збор лукус, што меѓу другото значи и шума.

3. Младен, што очигледно означува млад.

4. Јарило е бог на пролетната вегетација и плодност, како и сопатник на божицата Весна во старословенската митологија.

5. Стрибор е уште едно име во старословенската митологија, односно богот на ветрот и шумите.

Останатите машки имиња што асоцираат на пролетта и новите почетоци се Горан, Ведран, Зоран, Дубравко, Цветан, Флоријан, Јасмин, Невен, Јасен и Јавор.

извор:кафепауза.мк