Меѓу најчесто поставуваните прашања на граѓаните е што да правите кога ќе почне да грми, особено тоа што да правите со мобилниот телефон што постојано е со вас?
Еве неколку совети од метеоролозите:
-Кога ќе слушнете гром, веќе сте во опасност. Громот може да удри и кога олујната непогода е оддалечена и 16 километри од вас;
-Никако немојте да барате заштита под дрво, особено не под осамено дрво;
-Ако сте во домот и знаете дека се подготвува невреме, затворете ги вратите и прозорците, исклучете ги електричните апарати, посебно оние што во моментот не ви требаат – бојлер, телевизор…
-Ако сте во автомобил, немојте да се плашите од громот, ако сте во затворен објект, останете таму додека да престане невремето.
-Покријте ги ушите со рацете, за да ги заштитите ушните тапанчиња.
-Ако сте на отворено, никако немојте да легнувате на земја, затоа што тогаш сте со целата површина на телото во контакт со почвата. Оваа површина мора да биде колку е можно помала. Подобро е да клекнете со главата меѓу колената. Во оваа положба избегнувајте косата да ви ја допира земјата. Ако невремето е во тек, никако немојте да се обидувате да поправате оштетени делови од куќата.
-Ако грми немојте да користите телефони, без разлика дали се фиксни или мобилни. Мобилните телефони задолжително треба да се исклучат, посебно ако не сте во затворен простор. Запомнете дека фиксните телефони користат електрична енергија. Избегнувајте метални предмети затоа што тие се одлични проводници на електрична енергија.
извор:нетепрес.ком.мк
