Неодамна во медиумите се појавија вести дека дошол крај на заедничкиот живот на Игор Којиќ и Северина. По тој повод, се огласи и легендарниот водител Миња Субота кој за „Информер“ изјави дека совршениот пар има складан брак.
„Претходниот петок една колешка славеше роденден во Белград. Таму беа Драган Којиќ Кеба, Оља, Игор, но и Северина. Беше прекрасно. Кеба беше расположен, пееше. Потоа, во недела отидавме на ручек во еден ресторан во нашиот крај. Сите келнери и соседи беа воодушевени со неа, и бараа автограми“ вели Миња.
„Северина е пракрасна дама, а со Игор се совршен пар. Се сакаат и имаат сладан брак. Игор секогаш е тука за неа“ вели водителот.
Меѓутоа, Северина претходниот период помина низ пекол кога судот во Загреб и го одзема старателството над синот Александар.
Сепак, хрватската пејачка деновиве имаше убав повод за славење. Имено, Севе ги разнежни своите фанови кога на социјалните мрежи објави дека нејзиниот син Александар наполнил 8 години. Нејзиниот наследник прослави роденден на 20 февруари.
За потсетување, Којиќ пред неколку месеци ја објави песната „Роѓено моје“ која ја посвети на својот син.
