Фотографот Томас Чери одлучил своето незаборавно искуство кое го доживеал во Сингапур, да го сподели на својата веб-страница.
Чери престојувал неколку недели во Сингапур, каде успеал да фотографира дел од градбите и местата кои го одземаат здивот. Вселенскиот брод кој се наоѓа на врвот на хотелот “Marina Bay” е нешто што посебно го воодушевило фотографот. Тој вели дека тоа е всушност најистакнатиот израз на човековата креативност во цел Сингапур.
“Доколку некогаш имате прилика да отпатувате за Синапур, ќе уживате и во островот Кепел и прекрасните облакодери. Некои од фотографиите ги направив пред бура бидејќи небото тогаш е најубаво. Кога доаѓа време за спиење, енергијата на ноќта се буди. Светлата блескаат, облакодерите се осветлени, а улиците стануваат посветли”, вели Томас.
Во Сингапур живеат пет милиони луѓе и секогаш нешто се случува. Луѓето се забавуваат во скапите хотели, возат глисери, стотици бродови пренесуваат товар, стотици облакодери се исполнети со луѓе кои работат за да ги остварат своите соништа. Исто така, плажата е оддалечена само 20 минути од кое и место да се наоѓате бидејќи има многу острови, што е голем благослов за Сингапурците кои сакаат да се опуштат и да побегнат од градската врева.
Островот Сентоса е совршено бегство за секој кој сака време само за себе, да се опушти во срцето на природата. Чери вели дека ова место е чиста симфонија на мирот и љубовта.
извор: точка.мк
