Алое вера е растение кое е познато ширум светот по своите супермоќи за нега на кожата и косата. Во продолжение прочитајте кои се придобивките од користењето алое вера во третманот и негата на вашата коса.
1. Го намалува првутот
Околу 50 проценти од возрасните ширум светот имаат првут. Кај многу луѓе исто така, се појавува чешање, црвенило или лупење на скалпот. Иако не е лек за сè, алое вера може да помогне во смирувањето на овие симптоми благодарение на неговите антиинфламаторни својства. Сепак, консултирајте се со вашиот дерматолог пред да го користите.
2. Се бори против мрсната коса
Тони производи тврдат дека нудат длабоко чистење на мрсни типови коса. Но, за жал, многу од овие производи можат да ја исушат или оштетат вашата коса. Ова не е случај со алое вера. Неговите антибактериски агенси ги отстрануваат маснотиите без да го оштетат влакното. Така, производите со алое вера можат да бидат одлични ако вашата коса природно акумулира многу маснотии.
3. Го зацврстува кршливото влакно
Алое верата е полна со антиоксиданси и други хранливи материи кои се одлични за вашата коса. Содржи голем број микронутриенти како:
фолна киселина
витамин Ц
витамин Е
витамин Б12
витамин А (бета-каротен)
Според едно истражување, овие супстанции можат да го намалат ризикот од губење на косата. Исто така, некои студии покажуваат и дека благодарение на алое вера вашата коса може да биде посјајна, погуста и поцврста.
4. Ја штити косата од сонцето
Некои луѓе сметаат дека алое вера може да ја заштити вашата коса од сончевите зраци, но сè уште не постојат доволно докази кои би можеле да го докажат тоа. Сепак, добрата вест е дека ова растение е евтино и во основа не постојат штетни последици од неговата употреба. Значи, дури и ако не може 100% да ја заштити вашата коса од сонцето, сепак вреди да пробате..
Дали употребата на алое вера во негата на косата може да доведе до несакани ефекти?
Алергиите предизвикани од алое вера се ретки, но можат да се појават. Престанете да го користите производите со алое вера што е можно поскоро во случај на:
црвенило
чешање
воспаленост
Имајте на ум дека само затоа што производот содржи алое вера не значи дека е добар за вашата кожа. Затоа, секогаш проверувајте ја етикетата на производот за да бидете сигурни дека тој не содржи никакви иритирачки супстанции.
Откако прочитавте за здравствените придобивки од алое вера врз негата на косата, можеби ќе сакате да прочитате и за 8-те состојки за нега на коса кои ги имате и дома.
Извор: greatist.com/кафепауза.мк
