Почнувајќи од следната година, туристите кои го посетуваат Бали ќе треба да плаќаат влезна такса од 10 американски долари по лице.
Како што навеле туристичките власти, собраните средства првенствено ќе бидат искористени за поддршка на програми насочени кон зачувување на животната средина и културата на островот.
View this post on Instagram
Од 1 јануари 2024 година, посетителите кои доаѓаат на островот ќе ја плаќаат влезната такса директно на аеродромот или на морското пристаниште. Задолжително ќе треба да ги чуваат сметките и налепниците додека не ја напуштат државата.
View this post on Instagram
По зборовите на директорот на туристичката организација на Бали, Путу Астава, оваа одлука има за цел да ја зголеми свеста и одговорноста на странските туристи за заштита на животната средина и културата на Бали.
View this post on Instagram
Неодамна Бали се најде на насловните страници поради несоодветното однесување на одредени туристи. Така еден турист позирал целосно гол на свето место – врвот на планината Агунг. Како одговор, гувернерот на провинцијата Вајан Костер најавил строги мерки. Неговата желба е да Бали биде дестинација за квалитетен туризам и љубезни гости кои ја почитуваат локалната култура.
View this post on Instagram
Пред појавата на пандемијата „Ковид-19“, островот, со околу 4,2 милиони жители, примал над 6,2 милиони меѓународни туристи годишно. Се разбира, туристичката индустрија претрпела значителен удар и пад поради пандемијата. За среќа, откако епидемиолошката состојба се смири, значително пораснал и бројот на туристи кои го посетуваат островот.
Извор: Точка
