Турската актерка Мелиса Донгел неодамна ја шокираше светската јавност, откако изнесе потресни детали од својот живот.
Таа признала дека татко ѝ ја силувал кога имала само 15 години, а тоа е само дел од нејзината тажна приказна.
Како исплашена тинејџерка таа пошла за тоа сексуално злоставување да ѝ раскаже на мајка ѝ, но наместо разбирање и поддршка наишла на недоверба.
Се чини дека тоа ја повредило повеќе од било која болка во животот која ја доживеала.
View this post on Instagram
Поминале години, а стравот и несигурноста ја „јаделе“ поради што одлучила да оди на психотерапевт каде оди и денес. Поради своите помали сестри одлучила да изнесе сè во јавноста.
„Постојано работев до доцна за да не бидам дома. Немав детство. Им кажав на своите пријатели за злоставувањето на кое бев изложена, не само на својата мајка. Бев изложена на прво сексуално злоставување додека одев во средно училиште, и тоа од страна на татко ми. Не можев да раскажам јавно зошто татко ми константно ми се закануваше дека ќе дојде крај на мојата актерска кариера и дека нема да ми дозволи да одам во училиште.
Дури се обидов и да си го одземам животот. Не се сеќавам колку пати бев хоспитализирана. Потоа зажалив и се запрашав: Зошто си го правам ова себеси? Но, не можев да си помогнам“, открила актерката.
View this post on Instagram
По нејзините обвиненија татко ѝ завршил во затвор, но нејзините маки тука не завршиле.
Таа сакала на својата помлада сестра да ѝ биде старател, но татко ѝ барал да му се додели старателството над помладата ќерка со образложение дека актерката има лош живот.
Оваа позната турска актерка на публиката кај нас ѝ се претстави во серијата „Елиф“, а своето актерско искуство го покажала уште во неколку познати серии…
фото:Инстаграм принтскрин/Мелиса Долгел
