Европа не им е непозната на туристите, земји како Франција, Шпанија и Италија често се на врвот на листата најпопуларни дестинации на светот. Турција исто така високо се позиционирала како една од најомилените земји за туристи. Меѓутоа, постојат и други земји кои треба да се посетат, а кои не се на листите на туристите.
Туристите ретко се одлучуваат да патуваат во помалку туристички посетени земји во Европа. Понекогаш е потребно да скршнете од „разгазените“ туристички патеки и да побарате нешто друго, помалку познато, а подеднакво убаво. Медиумската куќа „Euronews“ направи листа на помалку посетени земји, заборавени дестинации кои би требало да ги посетите на своето следно патување.
Романија – тоа прекрасно бајковито чувство
Романија е најпозната по својата поврзаност со Дракула. Тоа е земја на остри планински врвови, дворци со високи кули и средновековни градови кои од почетокот му оддолеваат на „забот на времето“.
Оваа земја е позната по фасцинантните луѓе и рустични села кои прикажуваат традиционалната култура на оваа земја. Освен тоа, тука има многу културно-историска содржина, како и природни убавини кои секако може да ги задоволат сите туристички вкусови и потреби. Главниот град Букурешт има единствен архитектонски стил кој ги спојува класичната архитектура од 19-тиот век со архитектура од советскиот бруталистички стил.
View this post on Instagram
Лихтенштајн – мирно истражување на планините
Оваа мала држава е сместена во планините меѓу Швајцарија и Австрија. Иако е мала земја и нема свој аеродром, иако е достапна патната и железничка инфраструктура. Лихтенштајн е најслабо посетена земја во Европа, што е голема неправда.
Лихтенштајн е сместен на Алпите, па е многу важна економската гранка на зимскиот туризам. Освен скијање, постојат многу пешачки и велосипедски патеки а истражување на земјата кои се без вообичаените туристички метежи. Во Лихтенштајн исто така постојат и многу културни знаменитости и убави градови. Оваа бајковита земја е толку мала што може да се обиколи за два дена.
View this post on Instagram
Финска – недопрена дивина
Со многу помалку туристи од соседните Норвешка и Шведска, Финска нуди совршена можност да се изгубите во високи шуми, кристално чисти езера и идилични национални паркови во земјата. Тука можете да сретнете најразлични животни и да уживате навечер во поларната светлина.
Покрај природата, треба да се издвојат и модерните градови и традиционалните села. Финска е позната по тоа дека во неа живеат несреќните луѓе на светот, што при посетата може да се почувствува.
View this post on Instagram
Луксембург – единствен градски пејзаж
Луксембург нема излез на море и често се занемарува во корист на неговите попознати соседи Франција и Германија. Меѓутоа, неговиот главен град од бајките, средновековни дворци и сликовити села го прават достоен за посета.
Иако станува збор за мала земја, Луксембург има многу природа за истражување. Тука има добро одржувани велосипедски и пешачки патеки кои минуваат преку шумски брда и долини кои се окружени со винови лози. Луксембург се вбројува меѓу најмалите земји во Европа, а квалитетот на живот кој постои таму ретко може да се види на било кое друго место.
View this post on Instagram
