Мајката на Јелена Карлеуша, Дивна во помладите денови беше една од најубавите жени во Белград и една од најпопуларните радио водителки. Многумина и се додворуваа, но по разводот со Драган Карлеуша со кој доби ќерка, таа повеќе не сакаше да облече венчаница.
‒ Еднаш пробав брак, а не сакав да го повторам. Како што стареам, се повеќе имам чувство дека ќе бидам попречувана во бракот – изјавила таа. Но, нејзината врска со четири години помладиот пејач и музичар Велимир Гале Митровиќ траеше седумнаесет години… Повеќе отколку што беше официјално во брак со таткото на Јелена.
‒ Јелена отсекогаш била паметна и знаела дека мама не може да биде сама цел живот. Таа не ја коментираше нашата врска и беше љубезна кон него. Таа никогаш не се врати од патување без да му донесе подарок на Гале, исто како мене. Таа дури знаеше да застане на негова страна кога ќе се скаравме“ – изјавила Дивна Карлеуша.
Гале еднаш ја откри причината за разделбата со Дивна:
‒ Гледав како Јелена расте, станува она што е денес, но кога се роди Атина нешто се скрши во мене. Посакував и јас да бидам татко, а не дедо на Атина. Јас и Дивна се разделивме најпријателски и прекинавме секаков контакт.
Гале тешко ќе ја прифати веста за нејзината смрт во 2019 година.
‒ Дивна ќе ја паметам како насмеана, весела, нежна, шармантна, паметна, способна и пред се храбра жена, која додека бевме заедно секогаш беше покрај мене и ме поддржуваше во се што правев. Таа одбележа голем дел од мојот живот кој никогаш нема да го заборавам“ – изјави тој по погребот, на кој присуствуваше.
Денес малку се знае за приватниот живот на Гале Митровиќ. Го нема на социјалните мрежи, а ретко се појавува на јавни собири. Пред една година гостуваше во емисијата „Фолкотека“, на Телевизија Пожаревац.
Публиката ја потсети на своите најголеми хитови и ја увери дека освен што малку се здебелил, не се променил многу иако навлегол во шеесеттите.
Фото: Инстаграм принтскрин/karleusastar/ hello/Јутјуб
