Започна месец декември, а со тоа почна да се чувствува и возбудата за дочекот на новата година.
Новогодишната ноќ е блиску, на крајот од овој месец, а токму таа има неверојатна моќ и силна енергија која може радикално да ви го промени животот.
Дали би сакале Новата година да биде продуктивна за вас, а посебно на финансиско поле?
Овие ритуали ќе ви помогнат да привлечете пари во претстојната година:
Ташничка за собирање пари
Подгответе жолта, црвена или златна ташна. Ставете внатре 12 жолти парички и закачете ја на елката. Таков едноставен ритуал ќе ви помогне да останете финансиски успешни во текот на претстојните 12 месеци.
Две комбинации за облекување
Ако имате можност, погрижете се во новогодишната ноќ да имате две комбинации за облекување. Во едната треба да ја поминете минатата година, периодот до полноќ, а во другата ќе ја запознаете Новата година. Овој ритуал ќе придонесе за успех на сите полиња.
Пари
Овој духовит ритуал многу брзо може да ја привлече потребната количина на пари во вашиот дом. Во очи Нова година, нацртајте со маркер на ѓонот на чевлата количина на пари која би сакале да ја примите во блиска иднина. Парите буквално ќе ви дојдат.
Бањање со пари
Во очи Нова година, кога се бањате, додајте неколку парички во кадата замислувајќи како добивате голема количина на готовина. Ако овој ритуал е проследен со ароматерапија, резултатите ќе ве задоволат многу побрзо од очекуваното.
Играчка на божиќната елка
Во новогодишната ноќ запишете ја желбата за пари на хартија (препорачливо е со црвено пенкало). Ставете ја хартијата во било која играчка од елката. Листот со желбата треба да остане во играчката до следната година. Така цела година ќе ве следи финансиски успех.
Свечена маса
За време на подготвката на свечената маса, под прекривката во средина на масата ставете нешто златно. Тоа треба да остане на масата до крај на празниците, а после тоа треба да го ставите во ташна и секогаш да го носите како амајлија.
Елката да биде на југоисток
Според Фенг шуи познато е дека југоисточната страна има поволен ефект на финанскиот раст.
Магнет за пари
Да привлекувате пари како магнет, во пресрет на Нова година, ставете магнет на елката, под или близу неа. Може да биде обичен магнет или магнет од фрижидер на кој е прикажана пара.
Подарете си нешто
Во првата недела од јануари, задолжително разгалете се со нешто убаво. Тоа може да биде купување на нешто за што долго сте сонувале, или пак заминување на некое убаво место.
извор: Курир.мк
