Откако ќерка и Сара Миа не ја примија на работа во „ТВ Гранд“, позната водителка Леа Киш ги обвини дека земаат мито од пејачите за да ги донесат во емисија (ФОТО)

Познатата српска ТВ водителка Леа Киш крена бура обвинувајќи ги колегите од „Гранд телевизија“ дека земале мито за да носат пејачи на емисиите, бидејќи наводно не сакале да ја вработат нејзината единствена ќерка Сара Миа, која ја доби во бракот со Момчило Јокиќ.

Според една од верзиите од извор близок до Леа, таа збеснала бидејќи челниците на „Гранд“ не сакале да ја ангажираат нејзината ќерка Сара Мија Јокиќ за ТВ водителка. Нејзината наследничка претходно веќе работела во таа телевизија како водителка, но таа ја напуштила работата и се преселила во друга медиумска куќа, каде што останала кратко. Тогаш Леа ги прашала претпоставените дали нејзината ќерка Сара Миа може да се врати во „Гранд“, а одговорот бил негативен, бидејќи наводно „немало слободни работни места“?!

Во налет на гнев, според  соговорникот, водителката одговорила: „Нема место за ќерка ми, а водителките што земаат мито од пејачи за да ги донесат на емисиите, ги чувате и тоа сите го знаат“.

Тогаш настанал хаос и пукнал голем скандал, бидејќи Леа Киш ги обвинила своите колеги, најпознати ТВ водители: Драгана Катиќ, Синиша Медиќ, Сања Кужет, Зоран Пејиќ Пеја, Жика Јакшиќ, Воја Недељковиќ, Весна Милановиќ и други дека се тие што бараат пари од пејачите за да ги пуштат во емисија.

Фото: Драган Кадиќ/ Инстаграм принтскрин/ saramiajokic