Европа наскоро ќе го добие првиот подводен ресторан кој го дизајнираа Норвежаните на најјужниот дел од брегот на оваа земја, на длабочина од пет метри.
Бетонската конструкција на овој ресторан има панорамски прозорец со должина од десет метри, а сите дебели ѕидови се креирани да издржат најлоши услови под вода. Се очекува ресторанот наречен „Under“ да биде подготвен да ги прими првите гости во февруари 2018 година.
Ресторанот го дизајнираше архитектонската фирма Snohetta која е позната по фантастични градби како операта на Норвешка или библиотеката во Александрија во Египет.
Капацитетот на „Under“ ќе биде за стотина гости, а посетителите ќе можат да уживаат на три различни нивоа – гардероба на влезот со бар, на првото ниво под вода ќе има трпезарија со две долги маси и неколку помали покрај големите акрилни прозорци големи по 4 метри.
„Една од предностите на оваа градба е начинот на кој ги поврзува природата и земјата. На многу сигурен начин посетителите ќе може да се спуштат од брегот во длабочините на морето, при тоа драматично поминувајќи низ бетонска цевка од која е направен ресторанот“, вели Руне Грасдал, главен архитект на проектот.
Извор: Локално.мк
