Лепа Брена вчера го прослави својот 58 роденден.
По повод нејзиниот роденден, но и 35 години кариера Брена одржа спектакуларен концерт во „Штарк Арена“ во Белград.
Пред 20 000 присутни пејачката ги пееше своите стари, но и своите нови хитови.
А Брена не е Брена ако нема шоу. Иако таа е позната по слетувањето со хеликоптер на сцена, сношти слета со ѕвезда од покривот на Арената.
Лепа Брена концертот го започна со својата нова песна „Болиш и не пролазиш“, а потоа се нижеа нејзините стари, но и нови песни.
На концертот беа присутни и многу нејзини меѓу кои и Марија Шерифовиќ, Снежана Ѓуришиќ, модниот креатор Саша Видиќ, Александра Пријовиќ…
Концертот го заврши со песната „Ја немам други дом“, а при изведбата ја совладаа емоциите, па Брена се расплака.
Како поддршка на сцената излезе и нејзиното семејство.
Инаку, вечерва Брена ќе одржи уште еден концерт во „Штарк Арена“, а на 15 декември ќе одржи концерт во Скопје.
