Родендените се едни од поводите за славење на кои го собираме семејството, пријателите, колегите, роднините….за да го одбележиме овој ден, а роденденот не поминува ниту без роденденска торта.
Некои практикуваат да прават големи забави, некои практикуваат да прослават во интимна атмосфера во кругот на најблиските.
Изминатиот период поради пандемијата со коронавирусот и забраната за големи собирања, многумина родендените ги прославија со членовите на семејството, а некои и не славеа.
Водителката на „Брза кујна“ поради короната паузира од новите снимања на кулинарското шоу, но затоа на приватен план има повод за славење.
Александра Илиевска вчера (06.07) славеше роденден, а по тој повод на нејзина адреса пристигнуваа честитки од сите страни.
Водителката е од оние јавни личности која не ги крие годините и нема проблем да каже колку години наполнила.
Имено, во кусите приказни на „Инстаграм“ таа напиша дека го слави својот 35ти роденден.
Меѓутоа, пред неколку дена Александра имаше уште еден повод за славење односно прослави 4 години од бракот со сопругот Александар Илиевски.
„Не те сакам само поради тоа кој си, туку и поради тоа која сум кога сум со тебе“, напиша Илиевска во описот на заедничката фотографија.
Среќен роденден и уште многу години да славите годишнини од брак и љубов!
