Теа Таировиќ откри како поминала средбата со Јелена Карлеуша, но и што и кажала постарата колешка. Теа Таировиќ, српската „кралица на бакшишот“, пред пет години се појави на натпреварот на „Ѕвездите на Гранд“ каде беше жестоко критикувана од тогашната членка на жирито, пејачката Јелена Карлеуша.
Јелена тогаш и кажала дека и покрај нејзиниот атрактивен изглед и танцување, по кои и денес е позната, пеела многу лошо. Но, и тогаш и кажа дека не се сомнева дека ако работи на себе ќе биде ѕвезда, а неодамна се зборуваше дека пејачките се избегнувале на заеднички настап. Теа сега проговори за нивната средба, а откри дека Јелена имала нова порака за неа.
“Беше прекрасна средба. Јелена беше во бекстејџ, а јас пеев. Не сме се виделе пет години. Разговаравме колку што имавме време. Ми кажа дека отсекогаш верувала во мене и дека знаела дека еден ден ќе дојде до ова!“, рече Теа, а потоа проговори за љубомората што ја чувствува на сцената од страна на колегите:
„Пред неколку месеци би рекла дека колегите не се особено љубоморни. Сега веќе наидувам на препреки што не ги очекував, но добро, животот продолжува“.
Фото: Принтскрин/Инстаграм
