Месеците напорна работа ѝ се исплателе на Сијара Ган, 17-годишна ученичка од Филипини која за својата матурска вечер изработила прекрасен фустан кој веднаш станал хит на социјалните мрежи.
i made and painted my own gown for my graduation ball! ?✨
i painted over 80 flowers, sewed + stoned my dress with my mama and designed the whole thing myself! ?? pic.twitter.com/fsDwQK1NfD
— ciara gan (@ciaragan) April 8, 2019
“Мојата мајка ме поттикна да го направам фустанот. Сакам да испробувам нови работи и помислив “зошто да не”. Тоа беше последниот голем настан во средното училиште и имав месеци за припрема”, изјавила девојката.
Најпрвин се обратила кај експерт за дизајн, но откако не ѝ се допаднал резултатот, одлучила сѐ да направи сама од почеток до крај.
Таа заедно со мајка ѝ купила речиси три метри ткаенина, кринолина и Сваровски кристали.
Најпрвин шиеле парче по парче од фустанот, а цртањето на цветови по кринолината траело пет дена.
“Неодамна повторно ја прочитав книгата “Tiger Lily” од Џоди Лин Андерсон и одлучив да нацртам портокалови цветови. Не цртав рози бидејќи, иако се убави, тие не го одразуваат мојот карактер. Јас сакам силни бои, како портокалова и зелена”, вели Сијара.
Фустанот бил готов по еден месец, а таа молчела за него сѐ до матурската вечер.
“Мојот пријател не можеше да поверува што гледа, мораше два пати да го погледне фустанот. Мислеше дека цвеќињата се испечатени”.
Фотографиите од фустанот, Ган ги објавила на социјалните мрежи, а досега на Твитер собрале над 389 илјади лајкови.
