Лидија Вукиќевиќ (61) не крие дека изгледот многу и помогнал во животот.
Често се шпекулира дали отишла под нож поради својот изглед, а таа истакнува дека само едно исправила кај пластичниот хирург.
– Единствено што направив на лицето беше третман во вид на боцкање, кој ја промовира работата на колагенот. Ја прави кожата кадифена. Освен тоа, ништо друго не правев, ниту операции. Суштината на мојот младешки изглед е тоа што се негувам од својата 18-та година. Мајка ми беше строга и загрижена за изгледот на мене и на сестра ми, уште како млади девојки почнавме да користиме креми за лице. Покрај генетиката, имам благодарна кожа на мајка ми. Водам здрав живот, не пијам, не пушам, се хранам поздраво и сето тоа резултира со мојот изглед – открила во една прилика Лидија и додала дека освен гореспоменатата корекција, се друго е природно.
– Не ја исправам косата, таа е природно виткана. Не ги кубем веѓите, како што гледате. Имам свои нокти, не сакам вештачки. Мои се и забите. Никогаш не сакав да носам коронки и да имам неприродно бели заби. Ги одржувам така што одам на стоматолог на секои два месеци и користам црна паста за да ми бидат бели забите – изјави потоа актерката.
Сега таа покажа како изгледа без филтер, па на нејзиниот Инстаграм профил се појави необработувана фотографија.
Евидентно е дека Лидија изгледа одлично на почетокот на седмата деценија од животот, додека нон-стоп добива комплименти за својата линија, а често го привлекува вниманието со разголени фотографии.
фото:printskrin/instagram/vukiceviclidija
