За време на жешките летни денови, ладните и освежителни пијалоци се најпријатни, а смутито од лубеница е сигурно едно од нив.
Лесно се прави овој нискокалоричен пијалок. Ќе ве засити, освежи и разлади.
Покрај тоа, поради диуретичното дејство на лубеницата, ова смути ќе ви помогне да се ослободите од токсините од телото.
Состојки:
- 500 грама лубеница на коцки исчистена од семки
- 100 грама јагоди
- половина краставица со средна големина
- 1 лимон
- мраз
- неколку лисја домашно нане
Подготовка:
Ставете лубеница, јагоди и краставица во блендер и мешајте додека не добиете мазна смеса.
Потоа исцедете го лимонот, и додадете го сокот во смесата.
Скршете го мразот во блендер, а потоа префрлете го во чашите. Истурете го смутито над мразот, а горниот дел посипете го со лисја нане.
извор: попара.мк
