Водителката Милица Гацин, која со години е препознатливо лице на РТС, постојано е насмеана, но зад нејзината веселост се кријат сериозни борби за здравје, како и одгледување деца без сопруг.
Кариерата Гацин ја градеше исклучиво со посветена работа без никаков скандал, а за нејзиниот приватен живот се знае многу малку со оглед на тоа што речиси никогаш не зборува за тоа. Сепак, Милица реши да направи исклучок кога е во прашање болеста, која за среќа ја победи и со публиката ги сподели искуствата со кои се соочила кога и бил дијагностициран тумор на дојка.
-Првпат открив бениген тумор пред да ја родам помалата ќерка Хана која сега има 14 години. Лекарите мислеа дека е млечна жлезда, но бидејќи и по два месеци не помина, се јавив на лекар и ми предложи да се отстрани туморот. Иако многумина ме советуваа да не допрам ништо, јас сепак го послушав докторот – водителката за „Глорија“ изјавила дека туморот за жал се вратил, а таа морала повторно да се оперира:
– По втората операција го прашав докторот зошто ми се случи ова, а тој ми одговори: „Затоа што се нервираш“. Мирно ми кажа дека не вреди да се нервирам затоа што тогаш доаѓа до дисбаланс на хормоните во телото и така реагираат моите гради – додала убавата водителка, не криејќи дека нејзиниот живот во одредени периоди бил многу стресен.
Еден од тешките периоди со кои се соочила е оној кога нејзиниот тогашен сопруг сосема ненадејно и неочекувано ја напуштил.
View this post on Instagram
-Јас сум од куќа во Војводина, сакав се да се зготви, среди, да биде како што треба, куќа, деца. За се да биде совршено. И знаете што се случи? На првиот голем камен на сопнување, односно на првиот голем проблем во животот, се сврте на петицата и си замина. Рече: „Веќе не можам ова, тешко ми е“, се сврте и си замина – изјави еднаш водителката во видеото кое го објави на „Инстаграм“, а по разводот продолжи сама да ги одгледува ќерките, но исто така да се грижи за болен татко.
Болеста на Милица Гацин, како и целата нејзина животна ситуација, не успеаја да ја избришат нејзината препознатлива насмевка од лицето. Храбрата дама се врати на малите екрани, а на социјалните мрежи често дава поддршка на оние на кои им е потребна.
