Заборавете на долгата коса оваа есен – на сцената настапуваат пократки и фризури со средна должина, а пред сè се цени здравата, негувана и блескава коса.
Оваа година нема средина кога станува збор за стилизирање на косата. Во тренд се или исклучително прави фризури или потполно „разбушавени“ и со максимален волумен.
Најчестиот избор на дамите оваа есен ќе бидат боб, лоб, како и кратката, степенесто потстрижана коса со шишки.
Најдоброто кај кратките фризури е што одземаат само неколку минути за стилизирање. Можете слободно да заборавите на фенирањето и одењето на фризер – со минимален труд ќе имате совршено стилизирана коса.
Боб фризурата инспирирана од 90-те години одлично прилега на секоја дама. Должината е идеална за секој облик на лице, па така сигурно нема да погрешите доколку се одлучите за неа.
Исто така, и лоб фризурата која се одликува со малку пократок заден дел од предниот, одлично прилега на секоја форма на лице.
Степенестата фризура е за оние малку похрабрите дами.
извор: точка.мк
