Познато е дека додека спиеме клетките на кожата се лутат, се потиме, а состојбата на пижамите зависи од чистотата на телото и постелнината.
Покрај сето ова, на пижамите може да се акумулираат природни масла за тело и бактерии, па доколку не ги миете редовно, резултатот ќе биде непријатен мирис.
Експертите навистина не се согласуваат колку често треба да се перат пижамите.
– Ако не сте истуриле млеко или сок веднаш пред спиење, ако не се потите многу и не носите пижами цел ден, можете да спиете во нив неколку ноќи по ред пред да ги исперете – вели Џени Ворни, директорка на компанијата за чистење Моли Меид.
Спротивно на тоа, Крис Алберс, маркетинг директор во Carbona, која произведува производи за чистење, смета дека перењето треба почесто да се прави.
– Бидејќи во текот на ноќта поминувате во просек од седум до осум часа во пижами, треба да ги перете толку често колку и другите алишта што ги менувате на дневна основа – вели тој.
Мелиса Мејкер, авторка и основач на компанијата за чистење домаќинства „Clean My Space“, смета дека зачестеноста на перење пижами зависи и од тоа дали ги носите како единствена облека за спиење или носите долна облека одоздола.
– Ако пижамите се единственото нешто што го носите за спиење, треба да ги менувате секој ден. Ако носите долна облека под нив, треба да ги перете на секои два до три дена.
Иако изгледа дека не можат да се согласат за оваа навидум едноставна точка, сите се согласуваат со ова: Ако сте склони кон ноќно потење, менувајте ги пижамите секојдневно, како и летната или облеката за вежбање која нема да ја носите без перење.
– Размислете колку се потите и колку пижамите биле во контакт со кожата – вели Гвен Вајтинг, ко-основач на компанијата „The Laundress“.
Имено, ако ги соблечете веднаш наутро и можете да ги оставите да се проветрат, веројатно би можеле да го носите неколку дена, пред ткаенината да ја впие потта и природните масла и бактерии од кожата, но ако ги носите цел ден, тогаш дефинитивно фрлете ги веднаш на перење.
Линдзи Бојд, ко-основач на истата компанија, верува дека ако се туширате секоја вечер пред да ги облечете пижамите, тогаш може да го одложите миењето за два до три дена, под услов да не користите премногу млеко за тело.
извор:попара.мк
