Иако самоизолацијата е најдобар начин за заштита од коронавирусот, честото седење дома може да доведе до некои нездрави навики, вклучувајќи го и прејадувањето заради стрес и досада. Иако барањето утеха во храната е нормална реакција во стресни ситуации, прејадувањето може да биде штетно за вашето здравје. Еве неколку трикови како да спречите прејадување додека седите дома.
1. Преслушајте се сами за причините
Единствен начин да спречите прејадување е да сфатите зошто воопшто се прејадувате. Има многу причини, а меѓу нив се и стресот и досадата. Одговорете си дали јадете зашто сте гладни, или има и друга причина? Дали сте напнати, осамени, или ви е досадно? Борбата против прејадувањето не е секогаш едноставна, а ако после тоа чувствувате срам или вина, може да биде и знак за пореметување во исхраната и потребна ви е стручна помош.
2. Тргнете ги искушенијата
На масата имате кутија со бонбони или кекси? Ова е една од причините заради која можеби се прејадувате. Примамливата храна која секогаш ни е на видно поле може да доведе до грицкање, па дури и до прејадување и тогаш кога не сме гладни. Затоа, најдобро е слатките и грицките да ги чувате надвор од видно поле, затворени во орман.
3. Држете се до распоред за оброци
Не го менувајте распоредот за јадење само затоа што сте дома. Ако имате навика да јадете три оброци дневно, продолжете со таа навика и додека сте дома.
4. Не се ограничувајте
Едно од најважните правила во правилната исхрана кон кое треба да се придржувате за да го спречите прејадувањето е да не му скратувате храна на тело. Да си забранувате одредена храна е особено тешко во стресни периоди, а рестриктивната диета не само што не е корисна за долгорочно слабеење, туку може да ви наштети на здравјето и да биде причина за уште поголем стрес.
5. Разбудете го готвачот во себе
Додека сте дома обидете се да готвите што е можно повеќе оброци. На овој начин ќе јадете поздраво. Една студија спроведена на 11396 луѓе открила дека јадењето дома почесто е поврзано со поголем внес на овошје и зеленчук.
Покрај тоа, откриено е дека луѓето кои јаделе домашно јадење повеќе од пет пати неделно, имаат 28 проценти помала веројатност од прекумерна телесна тежина и 24 проценти помала веројатност да имаат зголемени маснотии, во споредба со оние кои јаделе домашни јадења три пати неделно.
Исто така, планирањето оброк неколку дена однапред ќе ви помогне да ви помине побрзо времето, да го подобрите квалитетот на вашата исхрана и да го намалите ризикот од дебелина.
6. Не заборавајте на водата
Седењето дома ви дава повеќе време да се фокусирате на здравите навики, вклучително и пиење многу течности.
Правилната хидратација е важна за целокупното здравје и може да помогне да се спречи прејадување поврзано со стрес.
7. Движете се
Поради седењето дома, нашето ниво на активност страда, што може да доведе до досада, стрес и почесто конзумирање на нездрава храна. За да се изборите против ова, одвојте малку време за вашите дневни физички активности.
Вежбајте дома или одете на прошетка, се разбира сами, без групирање и на места што не се преполни.
И истражувањето покажало дека физичката активност го подобрува расположението и го намалува стресот, што ја намалува можноста за прејадување поради стрес.
8. Спречете ја досадата
Кога одеднаш ќе добиете многу дополнително слободно време, може да се појави здодевност, веднаш штом ќе ги завршите сите обврски за тој ден.
Но, досатата можете да ја спречите ако добро го искористите слободното време. Посветете се на некои стари хобија, пробајте нови работи, организирајте го вашиот простор за живеење …
9. Бидете присутни
Многу работи од нашите современи животи не оддалечуваат од секојдневието. Тука се паметните телефони, телевизијата, социјалните мрежи …
Иако гледањето на омилените ТВ серии ви помага да се одморите од стресните настани, не правете го тоа додека јадете.
Обидете се да јадете во средина каде што имате што е можно помалку влијанија од страна. Кога јадете, јадете. Концентрирајте се на храната и обрнете внимание на чувството на глад и ситост.
Со тоа ќе се спречи прејадување. Внимателно јадење е всушност одлична алатка со која можете да ја подигнете свеста за вашите навики во исхраната.
10. Контролирајте ги порциите
Луѓето честопати избираат да јадат храна од садовите во кои се готви, што лесно доведува до прејадување. Не правете го тоа. Секогаш обидувајте се да ја служите храната во порции.
11. Бирајте хранливи намирници
Опремете се со храна која содржи хранливи материи што ќе го подобрат вашето целокупно здравје и ќе ги намалат шансите да се одлучите за нездрави избори. Најдобрата храна е храната богата со протеини, растителни влакна и здрави масти. Јаткасти плодови, семиња, грав и јајца се само неколку примери.
12. Внимавајте на внесот на алкохол
Чаша вино или вкусен коктел се добри за релаксирање, но имајте на ум дека алкохолот ви го зголемува апетитот, а со тоа и шансите за прејадување. Покрај тоа, консумирањето премногу алкохол е штетно за здравјето и може да доведе до зависност. Ограничете се на еден пијалок на ден или помалку.
13. Земете го предвид целокупното здравје
Во стресни времиња, најважно од се е да го имате предвид целокупното здравје. Јадењето хранливи намирници е само еден начин за одржување на здравјето. Во моменталните околности важно е да правите се најдобро за себе. Ова не е време за ограничување, прекумерно вежбање, споредување со другите, или фокусирање на слабостите. Ако се борите со одредени несигурности, обидете се да го искористите времето за да поттикнете една нова, здрава врска со умот и телото.
извор:попара.мк
