Пејачката Аделина Тахири неодамна се оствари во улогата на мајка и на свет го донесе првото свое дете, синот Џон. Веста за приновата таа ја сподели со нејзините следбеници на Инстаграм кои не престанаа да и честитат на пејачката.
Во интервју за „7дена,.мк“ таа прозобри за породувањето и откри кој се одлучил за името на синот.
Таа истакна дека сакала да се породи по природен пат, дека било тешко, но се борела.
Идејата за ова име е заедничка, така сакавме и јас и Јоже, мојот сопруг. Јон пред се е библиско име. Мене тоа не ми пречи, иако сум муслиманка. Освен тоа Јонското море го има и во Албанија и во Грција а Јоже е Егеец од Костур. Јонското Море ги поврзува двете држави. Сакавме кратко име, име кое одговара на презимето Марков, е само тоа е причината, без никаква предрасуда. Јон личи на мајка му, искрено јас кога сум била мала сум била многу црна иста како него.
Во интервјуто, таа откри како и се случила љубовта со нејзиниот сопруг односно истакна дека со сопругот претходно биле добри пријатели, а тој ја молел една година да излезат на кафе.
Атрактивната пејачка проговори и за бракот со адвокат Серјожа Марков и откри како го прифатиле нејзиниот сопруг бидејќи и двајацата партнери се од различна националност.
Еден ден му реков: Јоже, јас треба да избирам меѓу тебе и татко ми и брат ми. Тие нема да прифатат. Тој, пак, ми одговори: Аделина, животот е многу краток и треба да го правиш тоа што ти го чувствуваш. Секако, одлучив да бидам со него. Зошто треба да имам предрасуди? Зошто треба да живеам за туѓи животи? Секако дека треба да живеам за себе. Моите многу добро го прифатија и тој и татко ми сега се многу блиски. Јас навистина сум многу среќна жена – појаснува Тахири за “7дена.мк“.
