Рада Манојловиќ детално објасни што точно се случило во Швајцарија кога била задржана повеќе од час и половина на аеродромот во Цирих заради проверка, па депортирана во Белград.
„Во еден момент, службеникот ми го зграпчи мобилниот телефон. Како може тој да го стори тоа ?! Затоа го шлакнав по раката. Си помислив во себе, само уште ова ми фали, овој баксуз да ме тужи за напад врз службено лице“ – рекла таа и продолжила:
„Ми викаше, се дереше… Имам и сведок. Му реков дека морам да се јавам кај мојот адвокат, на што тој ми рече: ‘Вие не можете да повикате адвокат!’. Каде го има тоа? Па, и ако убиете човек, тие ќе ви ги прочитаат вашите права за да можете да се браните молчејќи, односно не мора да зборувате ниту да потпишете ништо, сè додека не дојде вашиот адвокат“ – револтирано изјавила пејачката, на што додала:
„Каде немате право да повикате адвокат? Особено ако го имам и кој го има моето полномошно“ – додала Манојловиќ, а потоа заклучила дека швајцарскиот службеник се однесувал крајно непријатно кон неа.
