Ова растение цвета од мај до есен, а има и убав мирис којшто потсетува на мирисот на мед.
Своето место меѓу цветовите кои се отпорни и прекрасни го има и овој цвет – Hoya Carnosa. Станува збор за растение кое нема да бара многу внимание од вас.
Ова зимзелено растение е препознатливо по здебелените лисја кои вообичаено се долги од пет до осум сантиметри и цветот во бела боја со изразени црвени точки на средината.
View this post on Instagram
Цветовите на себе имаат и светложолти прашници поради кои изгледаат како да се од восок. Растението цвета од мај до есен, а има и убав мирис којшто потсетува на оној на медот.
Ова растение е по потекло од источна Азија и Австралија, а кај нас се одгледува како собно растение. Хојата сака светлина и топли места, но не и директна сончева светлина. Во студените и темни зимски месеци треба да се чува на место со повеќе светлина.
View this post on Instagram
Имено, светлото ѝ е потребно за да процвета. Може да расте и во сенка, но тогаш не очекувајте да пушти цвет. Инаку, колку што растението е постаро толку пообилно ќе цвета.
Што се однесува до наводнувањето, цветот има дебели лисја и во текот на зимата дозволено е и да се исуши, па тогаш ставете му вода. Во текот на зимските месеци треба да го наводнувате на секои две недели, во природата пред цветањето потребна му е повеќе вода.
View this post on Instagram
Што се однесува до температурата на која треба да го чувате треба да внимавате да не го ставате на провев или во близина на вентилациски отвор и клима, но и радијатор.
На крај, треба да се спомне дека ова растение е едно од оние кои го чисти воздухот во просторијата, од него ги отстранува токсините.
Извор: Кармин.мк
