Можеби патувате доволно често за да мислите дека знаете сè и ништо нема да ве изненади, но сигурно сè уште правите одредени грешки.
Со тек на времето сигурно сте научиле дека нема потреба од преголеми куфери и дека забавата често е во некој паб во споредните улички.
Но и покрај тоа, веројатно некои нешта никогаш не ги научивте за патувањето:
Не резервирате преноќување
Ова е грешка која ја прават и најискусните. Многу е веројатно дека летот или долгото патување ќе ве уморат, па затоа не е лошо да го „преполовите“ патот со тоа што ќе преспиете и ќе продолжите или ќе резервирате соба во хотел за меѓу два лета, наместо да чекате во аеродромот.
Не купувате патничко осигурување
Се чувствувате обврзани да ги посетите атракциите
Атракциите се најздодевните делови од градовите. Секогаш се преполни со луѓе кои се фотографираат во за нив креативни пози и создаваат гужва. Најдете алтернативна забава во големите градови, верувајте, ја има.
Ги жртвувате сонот и оброците
Запомнете, особено е важно да спиете редовно и да се храните соодветно дури и кога патувате. Не нарушувајте го сопствениот ред кој сте го воспоставиле само затоа што не сте дома.
Се обидувате да планирате
Помирете се, ова нема да ви успее, особено ако патувате во место што не го знаете. Секогаш постои можност да се успиете, да не најдете такси или да не ви се допадне местото. Не се вознемирувајте ако ништо не оди по планот бидејќи и онака плановите се нереални.
