Апартманот брои 12 спални соби, ист број на тоалети опремени со козметички препарати потпишани од луксузниот бренд Хермес. Ројал Пентхаус апартманот е во склоп на хотелот President Wilson со 5 ѕвезди, кој се наоѓа покрај езерото во Женева во Швајцарија. Ви го претставуваме најскапиот хотелски апартман на светот.
За едно ноќевање морате да платите 80.000 американски долари. Не е ни чудо што токму во овој хотел гости биле Бил Гејтс, Ричард Брансон и Ријана. Кралскиот апартман се наоѓа на осмиот кат од хотелот, а се простира на 1680 метри квадратни, па не само што е најскапиот апартман туку е и најголемиот хотелски апартман во Европа.
Со 12 спални соби и тоалети, постои и џакузи, трпезарија, приватна теретана и прекрасна тераса со спектакуларен поглед кон езерото. За време на нивниот престој, милјардерите можат да се забавуваат играјќи билијард, да свират на клавир и уште многу други активности. Сета таа опрема е брендирана.
Гостите на располагање го имаат и личниот шеф од кујната, батлер, возач и обезбедување.
Целиот апартман е дизајниран според потребите на славните, односно посебен акцент е ставен на безбедноста. Прозорите се направени од стакло кое не пробива и поставен е аларам во случај на опасност.
