Првата дама на Аргентина, Хулијана Авада, со причина е наречена Џеки Кенеди од Јужна Америка. Со последното појавување во јавноста уште еднаш докажа дека е вистинска “модна закана” на Меланија Трамп и Брижит Макрон, кои досега важат за првите дами со најмногу стил за мода.
Во друштво на сопругата на претседателот на Франција, аргентинската прва дама Хулијана пристигна во Франција на службена посета. Домаќин на состанокот била Брижит Макрон.
Контроверзната прва дама на Франција заблеска во син комплет, а ова формално издание го доврши со црни лаковани чевли. Сепак, современата Џеки Кенеди, онака како што ја нарекуваат модните критичари, се појави во црн фустан со цветен принт, класичен црн капут и Баленсиага црвени чизми. Со овој стајлинг дефинитвно очите беа вперени во Хулијана.
Ова не е прв пат Хулијана да остави голем впечаток со својот стил. За време на посетата во Белата Куќа во април минатата година, Хулијана излезе како победник во модната битка со Меланија Трамп. Хулијана се појави со црвен фустан со атрактивни салонки, додека Меланија носеше маслинесто зелен комплет.
