Иако може да почувствувате моментално олеснување и задоволство, овој чин всушност може да ги оштети мускулите на карличниот под
Урологот д-р Тереза Ирвин, која има речиси 85.000 следбеници на социјалната мрежа „TikTok“, редовно споделува со нив разни совети.
Овој пат таа се осврна на тоа дека, иако дава моментално олеснување, не треба да уринирате под туш, бидејќи постои можност тоа да ги оштети карличните мускули.
– Секогаш кога ќе слушнете звук на вода, вашиот мочен меур ќе сака да моча, бидејќи е навикнат да слуша звук на вода под туш – вели д-р Тереза и додава дека секогаш кога ќе ги миете рацете, садовите, мочниот меур ќе сака да моча.
Покрај Тереза , истото го истакнува и докторката Алиша Џефри Томас. Таа во својот „TikTok“ објасни дека мокрењето под млаз вода му создава асоцијација на вашиот мозок дека треба да мочате.
Тоа значи дека може да добиете желба додека едноставно ја пуштате чешмата.
Таа објасни: – Постои севкупна перспектива за фитнесот на мочниот меур и перспективата на карличниот под.
Д-р Џефри Томас исто така се осврна на експериментот со куче:
– Човек ѕвони на ѕвончето секогаш кога ќе му стави храна на кучето, за на крајот кучето да почне да го поврзува ѕвоното со храната и да се лигави, дури и да нема храна. Ако мочате под туш или ја пуштите славината или тушот и седнете на тоалетот да мочате додека водата тече, создавате асоцијација во мозокот помеѓу звукот на млаз вода и потребата за мочање
извор:попара.мк
