Од тесни чевли до „ефект на Пепелашка“ совршен калап за вас
Купувањето чевли, особено за дамите, носи посебна магија, особено ако сме подготвени да ги „уловиме“ оние за кои фантазираме.
Сепак, не можеме да се потпреме на тоа дека чевлите секогаш ќе „соработуваат“ со нас, па затоа решаваме да купиме тесни чевли и да се препуштиме на познатата реченица: „Ајде, ќе ги разгазам“.
Меѓутоа, тоа решение за тесниот калап понекогаш не е ефикасно. Откажувањето не е опција, а за да го олесните патот до чевлите кои совршено одговараат, дајте им шанса на овие едноставни трикови.
Трик со фен и чорапи
Иако е далеку од неговата намена, фенот за коса може да биде одлична „прва помош“ за овој проблем. Сè се сведува на тоа што тие се шират со топлината на телото, што во овој случај е кожата или друг материјал од кој се направени чевлите.
Првото нешто што треба да го направите е да земете пар дебели чорапи и да ги напикате во чевелот. Потоа насочете го фенот кон тесните места, конкретно каде што чувствувате дека калапот ве стега, користејќи средна топлина за да омекне.
Обично се потребни неколку минути за чевелот малку да се растегне.
Не држете го фенот строго на едно место, за да не ги оштетите обувките. Повремено пробувајте ги за да видите дали доволно се истегнале, советува „Realsimple.com“.
Трик со вазелин
Ако чевлите ви се тесни, можете да користите вазелин или некој друг помрсен крем. Ставете малку вазелин на врвовите на прстите и поминете ги преку работ на чевелот од внатрешната страна.
Потоа облечете ги чевлите и со нив шетајте по дома половина час. Вазелинот ќе ги омекне внатрешните рабови на чевлите, па тие повеќе нема да бидат тесни.
извор: попара.мк
фото:Shutterstock
