Зад нас е уште еден возбудлив месец на модата, кој заврши со серија модни ревии на Модната недела во Париз, на улиците на кои многу тренди дами носеа облека, која е еден вид модна инспирација, за време на дождливите есенски денови.
Најносената street style облека на улиците во Париз го носат потписот на познатите модни куќи Chloe, Chanel i Louis Vuitton, а кога станува збор за аксесоарите, тука се парчињата од италијанската куќа Bottega Veneta.
Најносените аутфити на улиците на Париз се елегантни класични облеки и тренди double denim комбинации. Дневните комбинации на облека беа претежно во неутрални нијанси, а најосновните бои се дефинитивно црна, бела и сива, како и нивната комбинација.
Кожни чизми до колена, oversize палта, сукњи и фустани со animal print, се дефинитивно суштински парчиња за да се разбие мрачната есенска монотонија!
