Пред неколку дена првиот човек на Телевизија Пинк, Жељко Митровиќ и креативниот директор на музичкиот натпревар „Ѕвезде Гранда“, Саша Поповиќ потпишаа договор за соработка.
Така, оваа популарна емисија по повеќе од 18 години повторно ќе се емитува на розовата телевизија. Тогаш последен пат соработуваа овие двајца медиумски магионичари од само ним познати причини.
Меѓутоа, сопругата на Саша Поповиќ, Сузана Јовановиќ, пред пет години јавно проговори за нивната врска, кога го предвиде нивното помирување. Имено, таа објасни дека е длабоко убедена дека нејзиниот сопруг и Митровиќ повторно ќе соработуваат и дека тоа е само прашање на време.
– Каква енергија зрачи човекот, таа енергија ги привлекува и луѓето. Длабоко сум убедена и можам да тврдам дека Жељко Митровиќ и мојот Сале повторно ќе соработуваат! Тоа е само прашање на време. Ви велам, сто проценти. И двајцата се полни со енергија, идеи, двајцата се двете најголеми змејови во оваа работа. Тие се најдобри и едноставно е неизбежно повторно да ги здружат силите – рече Сузана и додаде:
– Ниту Сале, ниту јас никогаш никаде не сме ја затвориле вратата со задникот! Оваа работа нуди милијарда можности. Човек никогаш не знае по кој пат ќе го води животот и кого ќе сретне на патот. Затоа никогаш не сум кажала ништо лошо за никого. И секој мора да живее со својата совест, со она што го кажува или прави. На Пинк му донесовме висок рејтинг, добро соработувавме и без разлика кој што кажа, јас и Сале имаме само пофални зборови за таа куќа – изјави тогаш Јовановиќ за порталот „Вести онлајн“.
Инаку, како што е најавено, најпопуларниот музички натпревар на Балканот ќе почне да се емитува на 5 ноември, а за оваа сезона се пријавени над 7.000 нови кандидати.
фото:Сло.рс/принтскрин
