20-годишната Арифа Султанa, минатиот месец родила момче со нормален процес на пораѓање, но докторите го испуштиле присуството на втората бременост, пренесува Гардијан.
Таа ги запрепастила лекарите раѓајќи здрави близнаци 26 дена после раѓањето на првото дете. За време на првиот пораѓај, тие воочиле две матки кај Арифа.
„Ниту таа, ниту ние не сфативме дека сè уште е бремена и после пораѓајот. Нејзиниот водењак повтроно пукнал 26 дена после пораѓајот и дури тогаш дојде во болница“, рекла докторката Шеила Подар, која ја следела за време на целата бременост.
Извршен бил итен царски рез и се родиле момче и девојче.
После неколку дена е утврдено дека нема компликации и дека може да си оди дома со три здрави бебиња.
Докторите во Бангладеш истакнуваат дека никогаш не наишле на ваков случај.
Арифа потекнува од сиромашно семејство, па покрај среќата што има три деца, била малку загрижена како ќе ги одгледува.
Таа за „AFP“ рекла дека нејзиниот сопруг заработува 70 долари месечно.
„Не знам како ќе успееме да се избориме со волку голема одговорност, а толку малку пари“, рекла Арифа.
Нејзиниот сопруг не го сокрил воодушевувањето.
„Чудо на Алах е тоа што сите мои деца се здрави. Ќе се потрудиме да ги правиме среќни во животот“, рекол Сумон Бис.
извор:точка.ком.мк
