Во претходниот круг, таткото на македонскиот кандидат во „Ѕвездите на Гранд“ добро познатиот Адам Лабунски се скара со членот на жирито, Ѓорѓе Давид.
За кавгата меѓу Адам и Ибро Лабунски повеќе може да прочитате на линкот.
Меѓутоа, во саботното издание на „Ѕвездите на Гранд“ се емитуваше третиот круг на музичкото шоу каде настапуваше и Адам во дуел со Стефан Даниќ.
Адам се претстави со песната „Јано мори“ и „Ноч до подне“.
Иако во претходното негово појавување и кавгата со Давид, Марија се налути, сепак по неговата синоќешна интерпретација, Шерифовиќ и Давид беа воодушевени.
По интерпретациите на двата кандидати, жирито гласаше 5:5, односно и Стефан и Адам добија по пет гласа.
„Адам е проблематичниот ученик во одделението, кој може да направи многу работи,а бира да биде свој. Првата песна ја отпеа маестрално, тоа го кажува публиката и жирито. Но, таа атмосфера те понесе и во втората песна каде интонативно беше малку висок. Во секој случаj, ова е твојата најдобра изведба“ истакна Марија.
И Џорџе Давид имаше пофални зборови за македонскиот кандидат.
„Момче , очигледно дека овој пат малку повеќе ја слушаше Марија. Ве молам да му дадете уште еден аплауз за првата песна. Јас навистина уживав, вие Македонците имате чувство за некои работи, тоа го имате само вие и никој друг “ изјави Давид.
Тогаш се огласи и таткото на Лабунски од бекстејџ и Поповиќ истакна дека Ибро и Давид пред емисијата убаво се поздравиле.
„Јас месец дена не можев да преболам она што се случи. Само да кажам дека не ја менував песната, Адам ја праша Ана и таа кажа дека Марија Шерифовиќ дозволува“ истакна таткотo на Адам.
По прегласувањето Адам доби повеќе гласови и директно помина во четвртиот круг.
https://www.youtube.com/watch?v=Lfph5U7fd-g
