Со години по медиумите се пренесуваат вести дека Цеца Ражантовиќ и Драгана Мирковиќ не се поднесуваат.
Иако досега немат изјавено нешто лошо една за друга, Мирковиќ во неколку интервјуа истакна дека нема проблем со својата колешка.
Меѓутоа, по толку години двете пејачки првпат се сретнаа на новогодишно снимање на РТС.
Иако организаторите им закажеле снимање во различно време, сепак тие се сретнале.
Имено, кога Мирковиќ завршила со својот дел и давала интервју во гардеробата се појавила Цеца. Драгана љубезно ја поздравила, а Ражнатовиќ само едвај одговорила и заминала во својата гардероба.
На социјалните мрежи се појави и аудио снимка на која се слуша и разговорот меѓу двете фолк диви.
Од друга страна, Карлеуша не остана должна и ја прокоментира нивната средба.
„РТС ја заслужува Цеца Ражантовиќ во својата Новогодишна програма, бидејќи тоа е лицемерие и мрак во кое се наоѓа Србија. Но, ми е жал што чесни луѓе како Драгана Мирковиќ се ставаат во ист кош“ напиша Јелена и додаде:
„Колку оваа Цеца и нанесе зло, Драгана е кралица што и се обрати“ напиша Карлеуша на Твитер.
За потсетување, Карлеуша и Цеца не се во најдобри односи, па дури и неколку пати имаат завршено на суд.
