Адриана Лима, позната манекенка и една од најубавите жени на светот, е родена во Салвадор, во бразилската држава Баија. Таа во јуни наполни 42 години, а повеќе од половина од својот живот го помина во светот на модата. Иако официјално е во пензија и има три деца, не ја пропушта можноста да се појави на црвениот тепих кога и да може.
Детството на Адријана не беше лесно. Нејзините родители се развеле кога таа имала само шест месеци, па за неа се грижела само нејзината мајка Марија да Граса, социјален работник.
Но, со многу љубов и поддршка успеаја да се извлечат од сиромаштија. На 15-годишна возраст, неверојатната манекенка победи на локалниот натпревар организиран од агенцијата Форд и набргу потоа стана една од иконите на Бразил.
‒ Кога ја родив, првпат ги забележав нејзините продорни волчји очи. Мислев дека донесов на свет мала волчица, мало ѓаволче – рекла еднаш Марија, која и покрај незавидната финансиска состојба, се трудела на својата ќерка да и обезбеди безгрижно детство и да и ги всади вистинските вредности.
Мајката на Адријана Лима не се појавува често во јавноста, но манекенката понекогаш ја покажува на Инстаграм. Секој октомври ѝ го честита роденденот, најчесто со заедничка фотографија на која можеме да видиме од кого ја наследила магичната насмевка и цртите на лицето.
‒ Денес е посебен ден. Славиме неверојатна жена, полна со живот, љубов, почит, лојалност… Таа е причината за моето постоење и цел живот ми беше инспирација. Жена која ме научи да ги почитувам луѓето без разлика кои се и од каде доаѓаат, да бидам искрен, да сакам и никогаш да не се откажувам од моите соништа. Мојот херој, мојата моќ, мојот божествен творец, мојот пријател, мојата мајка… Горда сум што сум твоја ќерка. Те сакам! ‒ напиша Адриана во честитката.
фото:gettyimages/frazer-harrison
