Гриз со млеко е стар деликатес, кој се прави од 3 евтини состојки, а на овој десерт пораснале многу генерации. Иако изгледа едноставно, треба да ги пресметате вистинските мерки на состојките за гризот да испадне како што треба, а за 100 мл млеко потребна ви е 1 рамна лажица пченичен гриз и 1/2 лажица шеќер. Подготовката е слична на сутлијашот, само што ова е многу побрзо. Можете и накратко да го печете во рерна.
Состојки:
800 мл млеко
8 лажици пченичен гриз
4 лажици шеќер
какао
Подготовка:
Истурете млеко во тенџере и оставете го да зоврие. Потоа намалете ја температурата и сипете го гризот во зовриеното млеко. Гответе додека не се згусне со постојано мешање. Не треба да се формираат грутки. Додадете шеќер и добро измешајте. Исклучете го шпоретот и истурете во садови. Украсете со какао.
Извор: Курир.мк
