Питомиот костен е јаткасто овошје кое главно расте во јужниот дел на Европа и Медитеранот, а некои записи тврдат дека тој бил една од првите намирници што луѓето ја консумирале.
Сто грама печен костен има околу 245 калории, поради што овошјето го нарекуваме храна со висока енергетска вредност. Интересно е што калориската вредност се удвојува со неговата термичка обработка, а се зголемува и количината на протеини и јаглехидрати во овошјето.
Содржи глутен
Повеќе од четириесет проценти од костените се скроб, поради што се погодни за подготовка на пире, супи и други слатки и солени јадења. Со оглед на тоа што содржи глутен, не се препорачува за луѓе кои боледуваат од целијачна болест или да го избегнуваат во исхраната.
Богати со влакна, витамини и минерали
Костените се одличен извор на диетални влакна кои го намалуваат нивото на лошиот холестерол во крвта, но и ја поттикнуваат работата на цревата, односно гарантираат подобра и поредовна столица. Богат е со калиум и фосфор, како и незаситени масти, па затоа се препорачува за луѓе кои боледуваат од болести на срцето и кардиоваскуларниот систем, како и за бубрежно болните.
Покрај тоа, има значително количество на витамини А, Б и Ц, како и манган, калциум, хлор, железо и магнезиум. Бакарот е минерал кој ја зголемува јачината на коските, помага во производството на црвени крвни зрнца, го подобрува функционирањето на нервниот систем и го зајакнува имунитетот на организмот. Околу 80 грама костени дневно задоволуваат една петтина од потребата за овој минерал, па не заборавајте да уживате во овој јаткасто овошје.
Внимавајте кога купувате костени
Кога купувате свежи костени, изберете овошје со сјајна површина и без видливо оштетување на лушпата. Кога ќе ги земете во рака, тежината треба да одговара на неговата големина. Избегнувајте костени кои имаат шуплив звук. Собраните или купените костени чувајте ги на темно и ладно место.
извор:точка.ком.мк
