Губењето вишок килограми е голем предизвик за повеќето. Но, ако ги следите вистинските упатства, можете да ја завршите оваа задача ефикасно и релативно брзо, без да го ризикувате вашето здравје.
За Ona.rs, фитнес инструкторот Никола Кргиќ ги издвојува петте најчести грешки со кои се среќава во пракса кај клиентите кои се обидуваат да ослабат.
1. Фокусирање на бројот на вагата
– Бројката што ја гледате кога ќе стапнете на вагата не мора нужно да биде поврзана со вашиот изглед во огледало – вели Кргиќ.
– Вашата тежина е комбинација од неколку фактори како мускулна маса, процент на вода, процент на маснотии. Кај жените при хормонални промени доаѓа до задржување на водата што се рефлектира во поголемиот број што го гледате на вагата.
2. Лоша исхрана или рестриктивни диети
Јасно е дека за да изгубите тежина треба да имате калориски дефицит.
Инструкторката не потсетува, тоа можете да го постигнете со внесување на помалку калории или со зголемување на потрошувачката, односно со тренинг.
– Луѓето често се одлучуваат за рестриктивни диети кои им помагаат да ослабат на краток рок, но забораваат дека таквата диета не е одржлива на долг рок. Штом се вратат на старите навики, се јавува јо-јо ефект: се враќа првобитната тежина и додавате најмалку 30 отсто од она што сте го изгубиле за време на диетата – предупредува фитнес инструкторката.
Нејзината препорака е да консумирате квалитетна храна за вашата исхрана да биде одржлива на долг рок и секако да тренирате.
3. Немате соодветен план во теретана
При слабеење губите и мускулна маса, а единствен начин да го спречите тоа е тренингот.
– Доколку немате јасен план, сигурно нема да тренирате долго време. Често гледам луѓе кои целиот свој тренинг го поминуваат на лента за трчање; можеби не е лошо, но она што ќе ви помогне да изградите здраво тело е вежбањето со тежина, можеби на почетокот само со вашето тело, а подоцна и со тегови – предлага Кргиќ.
4. Недоволен внес на протеини
Протеините се од клучно значење за слабеење: тие се основен градежен материјал за мускулите, поради подолгото варење ќе го зголемат чувството на ситост, ќе го одржат или ќе ја зголемат стапката на метаболизмот…
Соговорникот на Ona.rs потсетува дека препорачаниот дневен внес на протеини е од 1,5 до 1,8 грама на килограм телесна тежина.
5. Согорувачи на маснотии
Станува збор за диететски производи за кои производителите тврдат дека ги „топат“ масните наслаги.
– За жал, овие производи не се ни блиску до тоа – истакнува Кргиќ и додава:
– Ако не сте во калориски дефицит, нема да ослабете, а ако сакате да стопите маснотии, треба да изградите мускулна маса. Мускулите се фабрики за потрошувачка на калории и за време на тренинг и за време на закрепнувањето.
извор:курир.мк
