Жените кои родиле дете во поодминати години имаат поголеми шанси да живеат подолго од оние кои родиле дете во текот на 20-те години од животот, покажува истражувањето.
Едно истражување од Универзитетот Коимбра во Португалија покажало дека „постарите“ мајки во просек живеат подолго за разлика од оние кои родиле дете кога биле помлади.
Истражувањето го опфатило животниот век на мајките од денот кога го родиле нивното прво дете до нивната 65-година од животот.
Научниците дошле до заклучок дека жените кои родиле во подоцнежни години имаат поголеми шанси да живеат подолго од оние кои родиле во текот на 20-те години од животот.
Исто така, авторите на истражувањето заклучиле дека најдобро време за бременост кај жените се раните 30-ти години, но и дека ниту едно истражување не открива поради што е тоа така, па само се претпоставува дека причината може да биде во помалата количина на стрес или пак во тоа што мајките кои се породиле кога биле постари и посериозни, имаат поздрави животни навики од оние кои се породиле во текот на 20-те години од животот.
извор: точка.мк
